ABŞ Prezidenti Donald Tramp bildirib ki, Ukrayna münaqişəni həll etmək üçün danışıqlar masası arxasında oturmaq istəyirsə, seçkilərə ehtiyacı var.

Ağ Ev rəhbəri bunu Mar-a-Laqodakı malikanəsində jurnalistlərə açıqlamasında bildirib.

“Biz elə bir vəziyyətlə üzləşmişik ki, Ukraynada seçkilər olmayıb, Ukraynada hərbi vəziyyət hökm sürür. Ukraynada lider haradadır? Demək istəmirəm, amma ona etimad reytinqi 4%-ə enib. Ölkə parça-parça olub, əksər şəhərlər dağıdılıb. Binalar dağıdılıb. Bu, böyük bir söküntü sahəsinə bənzəyir”, - Tramp vurğulayıb.