Mineralnıye Vodıdan Dubaya uçan Azimut Hava Yollarına məxsus təyyarə sistemlərindən birində indikatorun nasazlığı səbəbindən hava limanına qayıdıb.

Xalqcebhesi.az xəbər verir ki, bu barədə aviaşirkət açıqlama yayıb.

"Uçuşun təhlükəsizliyini təmin etmək məqsədilə Mineralnıye Vodı-Dubay reysinin komandiri təyyarə sistemlərindən birinin işləmə göstəricisinin aktivləşməsi ilə əlaqədar 2025-ci il fevralın 23-də hava limanına qayıtmaq qərarı verib", - məlumatda bildirilir.

Qeyd edək ki, bu gün Moskvadan Kubaya uçan təyyarə texniki nasazlıq səbəbindən alternativ limana - Sankt-Peterburq aeroportuna eniş etmişdi.