Bu gün Ankaranın Gölbaşı rayonunda sərnişin avtobusu qəzaya uğrayıb.

Xalqcebhesi.az xəbər verir ki, Adanadan paytaxta doğru hərəkət edən sərnişin avtobusunun sürücüsü idarəetməni itirərək beton səddə çırpılıb.

Nəticədə 16 nəfər yaralanıb, sərnişinlərdən 5 nəfərin isə vəziyyəti ağırdır.

Hadisə baş verən əraziyə polis və tibbi briqadalar cəlb olunub.

Məlumata görə, qəza baş verən an avtobusda 32 sərnişin olub.