Macarıstan Avropa Birliyinin xarici işlər nazirlərinin Brüsseldə açılan iclasında Avropa vergi ödəyiciləri hesabına Ukraynaya hərbi yardımın davam etdirilməsinə qarşı çıxış edəcək.

Bunu Macarıstanın xarici işlər və xarici iqtisadi əlaqələr naziri Peter Siyarto Aİ-dən olan həmkarları ilə görüşlə bağlı Belçikanın paytaxtına gedərkən deyib.

"Bu gün Brüsseldə Ukraynaya daha çox milyard avro və ya avropalı vergi ödəyicilərinin pulu ilə silah verilməsi ilə bağlı bir sıra təkliflər gündəmdə olacaq. Biz Brüsselə hərbi əməliyyatları dəstəkləməyə və sülh danışıqlarının uğurunu təşviq etməyə yönəlmiş təkliflərə qarşı çıxmaq üçün gedirik”, - Siyarto Facebook-da yazıb.

Nazir hesab edir ki, Brüssel hazırda “müharibə tərəfdarı olan liberal avropalı siyasətçilərin Ukrayna münaqişəsini həll etmək üçün Rusiya və ABŞ arasında sülh danışıqlarının uğuruna daim müdaxilə etməyə çalışması səbəbindən” beynəlxalq təcrid vəziyyətindədir. Macarıstan hökuməti dəfələrlə bu cür danışıqları dəstəklədiyini və onları Ukraynada sülhə aparan yeganə yol hesab etdiyini bildirib.

Cavid