Polşa Baş naziri Donald Tusk ABŞ Prezidenti Donald Trampı avropalı tərəfdaşlarla qarşıdurmaya getməməyə və Avropadan gələn mallara rüsum tətbiq etməməyə çağırıb.

Xalqcebhesi.az xəbər verir ki, Tusk bunu X səhifəsindəki videomüraciətində deyib.

“Bizim ümumi Avropa-Amerika maraqlarımızda daha güclü AB-yə və daha güclü NATO-ya sahib olmaq var. Cənab prezident və əziz amerikalı dostlar, ən yaxın müttəfiqlərinizə tariflər tətbiq etməzdən əvvəl bu barədə düşünün. Əməkdaşlıq həmişə qarşıdurmadan yaxşıdır”, - Tusk bildirib.