ABŞ Nümayəndələr Palatasının spikeri və konstitusiya hüququ üzrə ekspert Mayk Conson Donald Trampın üçüncü dəfə prezidentliyə namizədliyini irəli sürmək niyyəti ilə bağlı məsələyə aydınlıq gətirib.

Xalqcebhesi.az xəbər verir ki, o bu haqda “NBC News” telekanalına müsahibəsi zamanı danışıb

"Burada konstitusion bir yol var. Bunu etmək üçün konstitusiyanı dəyişdirmək lazımdır", – deyən Conson bunun çox çətin bir proses olduğunu bildirib.

Daha sonra o sözlərinə belə davam edib:

"Amerikalıların bəzilərinin onun üçüncü dəfə namizəd olmasını istəməsini başa düşürəm. Çünki o, ilk 100 günündə o qədər çox iş görüb ki, bunun daha uzun sürməsini arzulayırlar. Lakin məncə, o, konstitusiya məhdudiyyətlərini anlayır və onun konstitusiyanı dəyişmək üçün hər hansı ciddi bir təşəbbüsünün olduğunu düşünmürəm."