İsrail ordusu Qəzza zolağının bir çox bölgəsində fələstinlilərin evləri ilə məcburi köçkünlərin sığındığı çadırları hədəf alıb.

Qəzzadakı Fələstin Səhiyyə Nazirliyi tərəfindən edilən yazılı açıqlamada İsrailin Qəzzada davam edən hücumlarında ölən və yaralananlarla bağlı son məlumat paylaşılıb.

İsrail ordusunun son 24 saat ərzində həyata keçirdiyi hücumlarda həyatını itirən 97 nəfərin və dağıntılar altından çıxarılan 3 nəfərin cəsədinin bölgədəki xəstəxanalara çatdırıldığı bildirilib. Hücumlarda 138 nəfərin yaralandığı qeyd olunub.

Yanvarın 19-da razılaşdırılmış atəşkəsi pozan İsrail ordusunun martın 18-dən bu yana həyata keçirdiyi hücumlarda 1163 fələstinlinin həyatını itirdiyi, 2735 fələstinlinin isə yaralandığı vurğulanıb.