İrana qarşı ən azı informasiya əməliyyatları vasitəsilə təzyiqlər kəskin şəkildə artır. Və bu, ABŞ-ın İrana müharibə hədəsi altında razılaşma təklif etdiyi bəyanatları fonunda baş verir.

Xalqcebhesi.az xəbər verir ki, bunu Ermənistanın “Şərəfim var” fraksiyasından olan deputatı Tiqran Abramyan deyib.

“Mən İranın daxili motivlərini və vəziyyətini dərindən təhlil etmiş kimi davranmıram, xüsusən də bu məsələ ilə bağlı ekspert olmadığım üçün. Amma adi gözlə belə nəzərə çarpır ki, əvvəlcə sərt antiiran mövqe tutan ABŞ prezidenti öz ictimai sözləri və hərəkətləri ilə regionumuzda böyük partlayışa səbəb ola biləcək yüksək həddi müəyyən edib. İrana iqtisadiyyatdan tutmuş təhlükəsizliyə qədər, istənilən hücum Ermənistana və onun ətrafına çoxşaxəli təsir göstərəcək, İrəvana qarşı yavaş-yavaş yaranan müxtəlif təhdidləri sürətləndirəcək”, - Abramyan bildirib.