Hind okeanında yerləşən, yaşayış olmayan Herd və Makdonald adaları ABŞ Prezidenti Donald Trampın qarşılıqlı rüsum tətbiq etdiyi ərazilər siyahısına daxil edilib.

Xalqcebhesi.az xəbər verir ki, bu barədə “Axios” nəşri məlumat yayıb.

Bildirilib ki, bu adalar məskunlaşmayıb və ölkə deyil. Onlar Yer kürəsinin ən ucqar ərazilərindən sayılır və Trampın tariflər tətbiq etdiyi Avstraliyaya məxsusdur.

“Ağ Evdən bildirilib ki, adalar məhz Avstraliya ərazisi olduğu üçün siyahıya daxil edilib”, - nəşr vurğulayıb.

Qeyd edək ki, ABŞ Prezidenti Donald Tramp digər ölkələrlə qarşılıqlı yeni tariflərin tətbiq olunduğunu elan edib.