ABŞ Hərbi Dəniz Qüvvələri yeni “Virginia Block” IV sinif “USS Iowa” (SSN 797) nüvə sualtı qayığını istifadəyə verib.

Xalqcebhesi.az xəbər verir ki, mərasim Konnektikut ştatının Nyu London şəhərindəki dəniz bazasında baş tutub. Bu sinif sualtı qayıqlar 1600 km mənzilli 12 “Tomahavk” qanadlı raketlərlə təchiz edilib.

Nüvə sualtı qayığının uzunluğu 115 metr, eni isə 10 metrdir. O, 240 metrdən çox dərinliyə enə və 25 düyündən çox sürətə çata bilir.

ABŞ Hərbi Dəniz Qüvvələri hazırda müxtəlif modifikasiyalı “Virginia” sinifli 23 hücum sualtı qayığını idarə edir.