Qəzzadakı Səhiyyə Nazirliyindən verilən açıqlamada İsrail ordusunun Qəzzada həyata keçirdiyi şiddətli hücumların nəticələri ilə bağlı məlumat verilib.

Xalqcebhesi.az “Anadolu” Xəbər Agentliyinə istinadən xəbər verir ki, İsrailin martın 18-dən bu yana həyata keçirdiyi hücumlarda 505 uşağın həyatını itirdiyi, 1249 uşağın isə yaralandığı bildirilib.

Açıqlamada həmçinin İsrailin hücumlarında 271 qadın və 86 qocanın həyatını itirdiyi deyilib.

Qeyd edək ki, İsrailin 18 martdan bu yana Qəzzaya təşkil etdiyi hücumlarda 1391, 2023-cü ilin oktyabrın 7-dən isə 50 min 752 nəfər ölüb.