İsrailin baş naziri Benyamin Netanyahu ABŞ Prezidenti Donald Trampla görüşmək üçün Ağ Evdə olarkən keçirilən etiraz aksiyası çərçivəsində yüzlərlə insan Fələstinə dəstək üçün Nyu York küçələrində toplaşıb.

Xalqcəbhəsi.az xəbər verir ki, bu barədə “sabah.com.tr” məlumat paylaşıb.

Fələstin bayraqları və “Soyqırımdan bezdik” sözləri yazılmış lövhələr daşıyan qrup ABŞ-nin İsrailə hərbi və maliyyə dəstəyini dayandırmağa çağırıb.

“Azad Fələstin” kimi şüarlar səsləndirən kütlə İsrailin Qəzzaya hücumlarına son qoyulmasını da tələb edib.

Etirazçılar Manhetten bölgəsindəki Grand Central Terminalını da bağlayıblar.