Ukrayna müharibəni dayandırmaq üçün aparılan danışıqlarda tərəfdaşları ilə ərazi bütövlüyü məsələsini müzakirə etmir. Bu, Ukrayna Konstitusiyasına ziddir.

Xalqcebhesi.az xəbər verir ki, bunu Ukrayna Prezident Ofisi rəhbərinin müşaviri Sergey Leşşenko deyib.

"İstər Səudiyyə Ərəbistanında, istərsə də Fransada keçirilən görüşlərdə iştirak edən bütün tərəflər açıq şəkildə deyirlər ki, Ukraynanın ərazi bütövlüyü məsələsi ümumiyyətlə müzakirə olunmur. Hətta Ukrayna Konstitusiyasında da çoxlu qadağalar və məhdudiyyətlər var.

O vaxt, 2016-cı ilin yayında Tramp ilk prezidentlik müddətindən əvvəl də Krım sakinlərinin çoxunun Rusiyanın yanında olmaq istədiklərini demişdi. Bu bəyanatlar 10 il əvvəl də eşidilirdi”, - Leşşenko vurğulayıb.

O söyləyib ki, Trampın siyasi bəyanatları onun siyasətinin bir hissəsidir. Hətta onlar mediada yayılsa belə, bu o demək deyil ki, həyata keçiriləcək.

Qeyd edək ki, daha öncə “Voll Strit Jurnal”ın yaydığı məlumatda ABŞ-ın Kiyevdən Ukrayna böhranının həlli üçün güzəştlər tələb etdiyi yazıb. Bildirilib ki, Kiyevə NATO-ya üzv olmaqdan imtina etməli olduğu və Vaşinqtonun Krımı Rusiya ərazisi kimi tanıya biləcəyi çatdırılıb.