Suriyanın keçmiş prezidenti Bəşər Əsəd dövründə Hizbullah ilə koordinasiyaya cavabdehlik daşıyan Hərbi Hava Qüvvələri kəşfiyyatının keçmiş zabiti Süleyman əl-Teynavi həbs edilib.

Xalqcebhesi.az “Əl-İxbariyyə” telekanalına istinad xəbər verir ki, bu barədə Suriya müvəqqəti hökumətinin Daxili İşlər Nazirliyi məlumat yayıb.

Bildirilib ki, əl-Teynavi Hizbullah liderləri ilə Suriyadakı bir sıra qruplar arasında koordinator kimi fəaliyyət göstərib və onlara dəstək verilməsinə şərait yaradıb.

Bundan əlavə, əl-Teynavinin mülki əhaliyə qarşı hərbi cinayətlər törətməkdə iştirak etdiyi də açıqlanır.