İtaliya Senatı Avropa Mərkəzi Bankının sabiq sədri Mario Draginin rəhbərlik etdiyi yeni kabinetin lehinə səs verib.

TASS xəbər verir ki, bu barədə parlamentin yuxarı palatasının mətbuat xidməti bildirib.

Senatorlardan 262-si nazirlər kabinetinin yeni heyətinin tam şəkildə təsdiq olunması qərarını dəstəkləyib, 40 nəfəri əleyhinə səs verib, ikisi bitərəf qalıb.

Xatırladaq ki, daha əvvəl Cuseppe Kontenin rəhbərlik etdiyi hökumət Senatda mütləq əksəriyyəti itirərək istefaya getmək məcburiyyətində qalıb.