Səudiyyə Ərəbistanı turist vizası sahiblərinə krallıqda təsdiq edilmiş koronavirusa qarşı hər hansı bir peyvəndinin iki dozasını vurduqları halda 1 avqustdan etibarən ölkəni ziyarət etməsinə icazə verəcək.

Bu barədə ölkənin Turizm Nazirliyi öz "Twitter" səhifəsində yazıb.

Nazirlik qeyd edib: "1 avqust 2021 ci ildən etibarən [koronavirusa qarşı] peyvənd edilmiş turist vizası sahiblərinin krallığa giriş məhdudiyyəti götürüləcək. Onlar immunizasiya sertifikatı təqdim edildikdən sonra məcburi karantindən keçməli olmayacaqlar".

Bildirilib ki, turistlərin Səudiyyə Ərəbistanına gəlməzdən 72 saat əvvəl COVID-19 ilə bağlı PCR testin verilməsi lazımdır.